Цэдэндоржийн Түвшинтөгс

2018-03-05 09:09 248 admin

1967 онд төрсөн. Баянхонгор аймгийн Жинст сумын уугуул. Хэнтий аймгийн 10 жилийн дунд сургууль , 1987-1992 онд СУИС-д суралцаж дуулаачийн мэргэжил эзэмшисэн. 1996 онд Итали улсын Триест хотод мэргэжил дээшлүүлсэн 1992-2007 онд УДБЭТ-т гоцлол дуучин, 2006 оноос СУИС-ийн дуулах ур зүй, уран чадвар, дуурийн тавилын багш, нийслэлийн “Улаанбаатар  ” чуулгын ажиллаж байсан. Энэ хугацаанд “Трубадур” дуурийн Граф Д Луна, ”Отелло” дуурийн Яго, ”Учиртай гурван толгой” дуурийн Юндэн болон худалдаачин, “Чио Чио  сан” дуурийн Ямадори, “Турандорт” дуурийн Мандарин, “Кармен” дуурийн Эскамеллио зэрэг дүрийг амжилттай бүтээсэн уран бүтээлч юм. Ц.Түвшинтөгс нь “Учиртай гурван толгой” дуурийн Улсын 2-р уралдаанд Юндэнгийн дүрээр тэргүүн шагнал, нийтийн дууны  Морин хуур уралдааны 1992, 1996 оны тэргүүн байр,  “Цагаан лавай” дууны уралдаанд Сүүдэр цармын цэцэг дуугаар тэргүүн байр, Зөвхөн Монголдоо дуугаар тэргүүн байр, Хонгорзул сонины нэрэмжит Хайрын дууны тэргүүн байр, Б.Шаравын “Чингис хаан” дуурийн Чингис хааны дүрээр 2003 оны шилдэг уран бүтээлчийн шагналуудыг тус тус хүртсэн байна. Ц.Түвшинтөгс дуурийн урлагт оруулж буй хөдөлмөр бүтээлийн төр засгаас үнэлэн 1997 онд Монгол Улсын Гавьяат жүжигчин цолоор шагнасан байна.

Жиргээ

Facebook хуудас

Санал асуулга

© 2011 - 2018 Бүх эрх хуулиар хамгаалагдсан.